નાગરિકતા (સંશોધન) અધિનિયમ, - 2019 (CAA: Citizenship Amendment Act, 2019)

• નાગરિકતા (સંશોધન) વિધેયક, 2019ને ડિસેમ્બર, 2019ના રોજ લોકસભાએ તથા 11 ડિસેમ્બર, 2019ના રોજ રાજ્યસભાએ મંજૂર કર્યો.
• ભારતના રાષ્ટ્રપતિશ્રી રામનાથ કોવિન્દે 12 ડિસેમ્બર, 2019ના રોજ "નાગરિકતા (સંશોધન) વિધેયક, 2019"ને મંજૂરી આપી દીધી. આથી હવે તે "નાગરિકતા (સંશોધન) અધિનિયમ, 2019" (CAA: Citizenship Amendment Act) બની ચુક્યો છે.
• આ અધિનિયમ અંતર્ગત 'નાગરિક્તા અધિનિયમ, 1955'ના મુખ્ય સુધારા :-
• ક્લમ-2ની પેટાકલમ(i) ના ખંડ (b)માં પરન્તુક (જોગવાઈ)નો ઉમેરો :- 

અવૈધ પ્રવાસીમાં ફેરફાર

• “પરંતુ અફઘાનિસ્તાન, બાંગ્લાદેશ અથવા પાકિસ્તાનના હિન્દુ, શીખ, બૌદ્ધ, જૈન, પારસી અથવા ઇસાઈ સમુદાયના એવા વ્યક્તિ કે જેઓ 31 ડિસેમ્બર, 2014ના રોજ અથવા તેના પહેલા ભારતમાં પ્રવેશ કર્યો હોય અને જેને કેન્દ્ર સરકાર દ્વારા "પાસપોર્ટ (ભારતમાં પ્રવેશ) અધિનિયમ, 1920"ની કલમ-3ની પેટાકલમ(i)ના ખંડ(C) દ્વારા અથવા તેને આધીન અથવા “વિદેશીઓ વિષયક અધિનિયમ, 1946" અથવા તેને આધીન બનાવવામાં આવેલા કોઈ નિયમની જોગવાઈ અથવા તેને આધીન આપવામાં આવેલ કોઈ આદેશના લાગુ થવાથી મુક્તિ આપવામાં આવી હોય, તેને આ અધિનિયમના ઉદ્દેશ્યો માટે અવૈદ્યપ્રવાસી (illegal Migrant)ના રૂપમાં માનવામાં આવશે નહિ." 

કલમ-6 (B) ઉમેરવામાં આવી

• નાગરિકતા અધિનિયમ, 1955માં કલમ-6માં "Citizenship by Naturalisation (દેશીયકરણ દ્વારા નાગરિકતા)"ની જોગવાઈ કરવામાં આવી છે. તેમાં કલમ-6(B) ઉમેરવામાં આવી જેની મુખ્ય જોગવાઈ નીચે મુજબ છે.

નોંધણી અથવા દેશીયકરણ દ્વારા નાગરિકતા

કલમ – 6 (B)

• હિન્દુ, શીખ, બૌદ્ધ, જૈન, પારસી અને ઇસાઈ સમુદાયના વ્યક્તિઓ કે જેઓ અફઘાનિસ્તાન, બાંગ્લાદેશ અને પાકિસ્તાનથી 31 ડિસેમ્બર, 2014ના રોજ અથવા તેના પહેલા ભારતમાં પ્રવેશ મેળવ્યો હતો તેમને ભારત સરકાર અથવા યોગ્ય સત્તા દ્વારા કેટલાક નિર્બન્ધનો, પ્રતિબંધો અને નિયમોને આધીન નોંધણી દ્વારા અથવા દેશીયકરણ દ્વારા નાગરિકતાનું પ્રમાણપત્ર આપી શકશે.
• આવા વ્યક્તિઓ ભારત પ્રવેશની તિથિથી જ ભારતના નાગરિક ગણાશે.
• આવા વ્યક્તિઓ સામે કોઈપણ પ્રક્રિયા જે તેમના ગેરકાયદે પ્રવાસી કે નાગરિક બદલ ચાલતી હશે તો તે આ નાગરિકતા સંશોધન અધિનિયમ, 2019ના અમલ સાથે જ સમાપ્ત ગણાશે તથા તેને તે કારણથી આ અધિનિયમ અંતર્ગત નાગરિકતા આપવાથી વંચિત રાખી શકાશે નહિ.
• આ અધિનિયમની કોઈપણ જોગવાઈ ભારતના બંધારણની છઠ્ઠી અનુસૂચિમાં સમાવિષ્ટ અસમ, મેઘાલય, મિઝોરમ તથા ત્રિપુરાના અનુસુચિત ક્ષેત્રો તથા 'The Bengal Eastern Frontier Regulation, 1873' અંતર્ગત અધિસૂચિત કરવામાં આવેલ "The Inner Line' ક્ષેત્રોમાં લાગુ પડશે નહિ. 

કલમ - 7 (D)માં ઉમેરો

નાગરિકતા અધિનિયમ, 1955ની કલમ-7(D) માં ખંડ (d) પછી નવો પેટાખંડ (da) ઉમેરવામાં આવ્યો.

-----------------❌❌----------------------❌❌----------- 

નોંધ : આ સાથે અહીં નાગરિક્તાનાં 1 થી 5 ભાગ પૂર્ણ થાય છે.

................................