▪️ ગુજરાત ગૌણ સેવા પસંદગી મંડળ, ગાંધીનગર દ્વારા જાહેરાત ક્રમાંક: 301/202526 અંતર્ગત મહેસૂલ તલાટીની મુખ્ય પરીક્ષા તા.14/10/2025 થી તા.16/10/2025 દરમિયાન લેવામાં આવી હતી.

▪️ સરકારના નિયમોનુસાર દરેક પ્રશ્નપત્રમાં 40% લઘુત્તમ લાયકી ધોરણ મેળવનાર ઉમેદવારોની એક કામચલાઉ (Provisional) યાદી તા.16/05/2025 ના રોજ મંડળની ઓફિશિયલ વેબસાઇટ પર જાહેર કરવામાં આવી છે.

▪️ હવે આ લાયક ઠરેલા ઉમેદવારો માટે આગામી તા. 21/05/2026 થી પ્રમાણપત્ર ચકાસણી અને જિલ્લા પસંદગીનો કાર્યક્રમ શરૂ થવા જઈ રહ્યો છે.

મહત્વની તારીખો અને સ્થળની વિગત

• પરીક્ષાનું નામ: મહેસુલ તલાટી, વર્ગ-3 (મહેસૂલ વિભાગ)
• જાહેરાત ક્રમાંક: 301/202526
• કામચલાઉ યાદી પ્રસિદ્ધ થયા તારીખ: 16/05/2026
• ડોક્યુમેન્ટ વેરિફિકેશન શરૂ થવાની તારીખ: 21/05/2026 (રજાના દિવસો સહિત)
• ગ્રેજ્યુએશન પૂર્ણ હોવાની કટ-ઓફ તારીખ: 20/05/2026
• વેબસાઇટ: gujarat.gov.in
• પ્રમાણપત્ર ચકાસણી અને જિલ્લા પસંદગીનું સ્થળ: દીનદયાળ ઇન્સ્ટિટ્યૂટ ઓફ સર્વે & રેવન્યૂ એડમિનિસ્ટ્રેશન, ખ-૫ સર્કલની પાસે, સેક્ટર-૧૪, ગાંધીનગર. 

જરૂરી પ્રમાણપત્રો (Documents) ની યાદી

▪️ ઉમેદવારોએ પોતાના તમામ અસલ પ્રમાણપત્રો (Original Documents) અને તેની સ્વ-પ્રમાણિત (Self-Attested) ઝેરોક્ષ નકલોના ૨ (બે) સેટ અને તાજેતરના 2 પાસપોર્ટ સાઇઝના ફોટોગ્રાફ્સ સાથે લાવવાના રહેશે. નીચે આપેલા કોષ્ટક મુજબ તમને લાગુ પડતા તમામ ડોક્યુમેન્ટ્સ તૈયાર કરી લેવા વિનંતી છે:

ઉમેદવારો માટે અતિ મહત્વની સૂચનાઓ

જો તમે વેરિફિકેશનમાં જઈ રહ્યા છો, તો મંડળ દ્વારા આપવામાં આવેલી આ માર્ગદર્શિકા ખાસ વાંચી લેજો:

1. સમયપાલન: ઉમેદવારે તેમને ફાળવવામાં આવેલા નિયત સમય કરતાં ઓછામાં ઓછા 30 મિનિટ પહેલાં વેરિફિકેશનના સ્થળે હાજર થઈ જવાનું રહેશે.
2. મોબાઇલ પર પ્રતિબંધ : પ્રમાણપત્ર ચકાસણી અને જિલ્લા પસંદગીના સંપૂર્ણ કાર્યક્રમ દરમિયાન બિલ્ડિંગના અંદરના ભાગમાં મોબાઇલ લાવવા પર સખત પ્રતિબંધ છે. ઉમેદવારે પોતાનો ફોન સાથે આવેલા વાલીને સોંપી દેવાનો રહેશે.
3. વાલીઓ માટે પ્રવેશ : બિલ્ડિંગના પરિસરની અંદર ઉમેદવાર સાથે આવેલા વાલીઓને પ્રવેશ મળશે નહીં, તેઓ કેમ્પસમાં બેસી શકશે.
4. નામ કે વિગતોમાં ભૂલ (એફિડેવિટ) : જો ઓનલાઇન અરજી ફોર્મ અને તમારા અસલ પ્રમાણપત્રોમાં નામ, પિતાનું નામ, અટક અથવા જાતિના સર્ટિફિકેટ નંબરમાં કોઈ પણ પ્રકારની વિસંગતતા (ભૂલ) હોય, તો વેરિફિકેશનમાં આવતા પહેલાં તે બાબતનું એફિડેવિટ (સોગંદનામું) કરાવીને સાથે લાવવું ફરજિયાત છે.
5. ગેરહાજરી અંગે: જો કોઈ ઉમેદવાર નિયત તારીખ અને સમયે હાજર નહીં રહે, તો એમ માની લેવામાં આવશે કે તેઓ આ ભરતીમાં જોડાવા માંગતા નથી અને તેમની ઉમેદવારી રદ કરીને યાદીમાંથી નામ કમી કરવામાં આવશે.

જો તમે અનિવાર્ય સંજોગોમાં હાજર ન રહી શકો તો?

▪️ જો કોઈ આકસ્મિક કે અનિવાર્ય સંજોગોના કારણે ઉમેદવાર પોતે હાજર રહી શકે તેમ ન હોય, તો તેઓ પોતાના વતી પોતાના કોઈ નજીકના સગાને મોકલી શકે છે. પરંતુ આ માટે ઉમેદવારે સહી કરેલું સંમતિ પત્રક (અધિકૃતતા પત્ર) અને એફિડેવિટ સાથે મોકલવાનું રહેશે. હાજર રહેનાર વ્યક્તિએ પોતાનો અસલ ઓળખનો પુરાવો પણ સાથે રાખવો પડશે. આ અંગે મંડળ દ્વારા કારણોની ચકાસણી કર્યા બાદ જ આખરી નિર્ણય લેવામાં આવશે.

મેરિટ ક્રમાંક કઈ રીતે નક્કી કરાયો છે?

▪️ સમાન ગુણ અને સમાન જન્મતારીખ ધરાવતા ઉમેદવારોના કિસ્સામાં કોઈને અન્યાય ન થાય તે માટે મંડળે ખાસ ફોર્મ્યુલા અપનાવી છે:

• સૌ પ્રથમ મુખ્ય પરીક્ષાના ગુજરાતી વિષયના ગુણ ધ્યાને લેવાયા છે.
• જો તેમાં પણ ગુણ સરખા હોય, તો પેપર-૩ જનરલ સ્ટડીઝ (GS) ના ગુણ જોવામાં આવ્યા છે.
• જો તેમાં પણ ટાઈ થાય, તો મુખ્ય પરીક્ષાના અંગ્રેજીના પેપરના ગુણ આધારે મેરિટ ક્રમ નક્કી કરાયો છે.

ઉમેદવારી રદ કરવા અંગે (બદલી/હક્ક જતો કરવો)

▪️ મંડળ દ્વારા કુલ 2389 જગ્યાઓ માટે ઉમેદવારોને ફાળવણી કાર્યક્રમમાં બોલાવવામાં આવ્યા છે. સુપ્રીમ કોર્ટના વિવિધ ચુકાદાઓ અને ગેરહાજર રહેતા ઉમેદવારોને ધ્યાનમાં રાખીને જગ્યા કરતાં વધુ ઉમેદવારો બોલાવેલા છે. જો કોઈ ઉમેદવારને ફાળવેલો જિલ્લો સ્વીકાર્ય ન હોય અથવા કોઈ વ્યક્તિ સ્વેચ્છાએ પોતાની ઉમેદવારી પાછી ખેંચવા (રદ કરવા) માંગતી હોય, તો તેમણે પીડીએફમાં સામેલ બાહેંધરી પત્રક ભરીને રૂબરૂમાં સોંપવાનું રહેશે. તે પછી ભવિષ્યમાં પ્રતીક્ષા યાદી કે નોકરી માટે કોઈ હક્ક દાવો રહેશે નહીં.

▪️ દરરોજના કાર્યક્રમના અંતે કયા જિલ્લામાં કેટલી જગ્યાઓ ખાલી રહી અને કોને કયો જિલ્લો મળ્યો તેની વિગતવાર યાદી દરરોજ સાંજે મંડળની ઓફિશિયલ વેબસાઇટ પર મૂકવામાં આવશે.

▪️ તમામ સફળ ઉમેદવારોને ડિજિટલ પ્લેટફોર્મના માધ્યમથી ખૂબ ખૂબ અભિનંદન અને આગામી વેરિફિકેશન પ્રક્રિયા માટે ઓલ ધ બેસ્ટ! સમયસર પોતાના તમામ દસ્તાવેજો તૈયાર કરી લેવા વિનંતી.

 ---------------------------------------------------